Psa 65 | VulgJ | STEP | in finem canticum psalmi resurrectionis iubilate Deo omnis terra victori canticum psalmi iubilate Deo omnis terra

Psalms 65

1 in finem canticum psalmi resurrectionis iubilate Deo omnis terra ^va 2 psalmum dicite nomini eius date gloriam laudi eius ^va 3 dicite Deo quam terribilia sunt opera tua Domine in multitudine virtutis tuae mentientur tibi inimici tui ^va 4 omnis terra adorent te et psallant tibi psalmum dicant nomini tuo diapsalma ^va 5 venite et videte opera Dei terribilis in consiliis super filios hominum ^va 6 qui convertit mare in aridam in flumine pertransibunt pede ibi laetabimur in ipso ^va 7 qui dominatur in virtute sua in aeternum oculi eius super gentes respiciunt qui exasperant non exaltentur in semet ipsis diapsalma ^va 8 benedicite gentes Deum nostrum et auditam facite vocem laudis eius ^va 9 qui posuit animam meam ad vitam et non dedit in commotionem pedes meos ^va 10 quoniam probasti nos Deus igne nos examinasti sicut examinatur argentum ^va 11 induxisti nos in laqueum posuisti tribulationes in dorso nostro ^va 12 inposuisti homines super capita nostra transivimus per ignem et aquam et eduxisti nos in refrigerium ^va 13 introibo in domum tuam in holocaustis reddam tibi vota mea ^va 14 quae distinxerunt labia mea et locutum est os meum in tribulatione mea ^va 15 holocausta medullata offeram tibi cum incensu arietum offeram tibi boves cum hircis diapsalma ^va 16 venite audite et narrabo omnes qui timetis Deum quanta fecit animae meae ^va 17 ad ipsum ore meo clamavi et exaltavi sub lingua mea ^va 18 iniquitatem si aspexi in corde meo non exaudiat Dominus ^va 19 propterea exaudivit Deus adtendit voci deprecationis meae ^va 20 benedictus Deus qui non amovit orationem meam et misericordiam suam a me

^va